十年無寫blog, 能夠令我從疲累中寫blog的當然是非常強烈的推介. 土瓜灣 - 大漠, 新疆菜, 唔知正唔正宗, 但係D羊真係好酥和香口, 我去了兩次, 叫了羊肋排兩次, 第二次無第一次咁好味, 但係都不錯. 其他菜都好有心機做, 侍應都好helpful.
去到openrice, 先知原來好評如潮:
http://www.openrice.com/restaurant/sr2.htm?shopid=12830&district_id=99&inputcategory=cname&inputstr=%A4j%BAz&submit=%B7j%B4M&amenity_id=1001&dishes_id=

我聽完楊千嬅隻碟, 好想聽Edmond隻碟, 楊隻碟唱別人的歌, 其實我好鍾意聽依種口水歌, 好似鄭中基唱愛是最大權利就是一個好例子, 但係楊千嬅就...., 依隻碟唔知係咪幫Edmond 宣傳隻精選, Paco奇招乎?

不知怎的, 陣陣和暖的北風總是令人想起從前. 我在小時的時候已覺得是這樣, 直至跟家姐說到, 才知原來其他人都是這樣. 拿了fancl 最新一期的Espoir , 入面黃貽興寫了一篇關於懷念的文章, 他的文筆很好, 很有感染力, 當中提到孫燕姿首 "我懷念的" 李偲菘 寫的幾句

我懷念的是無話不說　我懷念的是一起做夢
　我懷念的是爭吵以後　還是想要愛你的衝動

吃飽飯走在土瓜灣的街頭, 舊舊的, 士多老闆都是老人家, 用卡式帶播的都是廟街feel 的廣東歌, 一下子好像回到以前小時在順利邨的情景, 原來香港沒有大變, 安慰的是自己進步了.

全套戲焦點所在就是幾場偉仔火併湯唯情慾戲, 我都好愕然, 非常迫真而且暴露 (雖則三級, 但係我唔會用佢同D 日本AV 比卦....).
劇情其實都好舊, 可能跟陳年小說原著, 不能期望有乜驚喜, 結尾草草了事, 但係套戲都OK, 咁長都唔悶, 李安都係有功力的. 他拍上海, 香港的舊街道, 好像真的回到以前的年代, 個feel好正. 同埋依套戲在港大取景, 當然無玻璃之城咁令我喜歡, 但都....唔知點講...high high 地 ~ (字窮...)
各主角都做得不錯, 配角我覺得做得比較差, 偉仔演技有保証, lee hom 就普通, 個角色性格唔得,
湯唯可說一鳴驚人, 她演技不錯, 我好想知唱天涯歌女一幕係咪真係佢現場收音唱, 是我聽過最好的版本, 難怪易先生都動情了. 色戒官方網頁一句很好, "色易守, 情難防", 看了後才知故事的根蹄......

出來住了一段時間, 生活跟以前有點不同, 有以下感受:
- 做多好多家頭細務
- 發現廁所係要成日洗...
- 宜家D傢俬好雞
- 芝華仕梳化好舒服, 性價比好, 但買了第二個品牌才知道...
- 三餐自己搞掂
- 用多左好多時間睇電視, 可能因為收費電視好睇
- 無得睇東方日報, 全部睇free daily newspaper
- 好少帶袋出街, 因為車程短, 不用帶書解悶
- 珍惜和家人共聚時光
- 住市區好方便, 多D時間休息, 但係又覺得馬鞍山空氣和環境好好....都係市區好D~
- 出來住覺得阿爸阿媽好勁
- 張床好舒服, 訓醒少左好多腰酸背痛
- 下次間屋一定要大D....坐底打牌唔會擋住電視 (因為一廳only), 同埋要揀大單邊, 著得'causal' d 都唔驚俾人見到
- 好滿意屋內影音, 雖然唔係好勁, 但係夠用

好耐無寫野, 但係今日吃了九龍城侯王道的金泰美食, 覺得好食, 想分享下. 剛去了openrice看人地review, 評價不是太好, 但我感覺很好, 因為好有鑊氣, 味道又好岩香港人口味. 從鋪外看入去, 人們都坐得密痳痳的, 而且好嘈, 但係入去坐後, 冷氣夠凍, 都算OK. 很肚餓, 即時望下周圍D人叫乜食, 然後就點了幾個菜, 有燒側魚, 炒大蜆, 咖喱豬, 火車頭炒飯, 燒蒜頭包, 兩串串燒 (痴線, 原來食左咁多野!!), 熱辣辣的.